Тап ошондай тынғыһыҙ ағинәйҙәр ауыл тормошона ҡот килтерә, ҡасандыр барлыҡҡа килгән бушлыҡты тултыра, йәш быуынға өлгө күрһәтеп, уларҙы үҙ артынан эйәртә ала.
«Илһам» клубы үҙенең яңы сезонын башлай.
06.09.2024
Арҡайым ҡасабаһының моделле китапханаһының 7-се филиалында «Илһам» клубы ағинәйҙәренең йыйылышы үтте. Ойошма етәксеһе Хәсәнова Мәзүнә Зәкир ҡыҙы үткән йылға йомғаҡ яһаны, үтәсәк саралар тураһында әңгәмә ҡороп, 2025 йылға эш планы төҙөнө.
Элек-электән тормошобоҙҙа ағинәйҙәр һәм аҡһаҡалдар һүҙе ҙур әһәмиәткә эйә. Йәш быуынды тәрбиәләү йәһәтенән дә уларҙың роле баһалап бөткөһөҙ: өләсәйҙәр кәңәше, олатай тәрбиәһе, сәсән һүҙе, ағинәйҙәр нәсихәте һәр урында әйтелер, уларҙың һүҙенә ҡолаҡ һалыныр булған. Өлкән йәштәгеләрҙең өлгөһө һәм тәрбиәһе аша йәштәребеҙ күңеленә иманлылыҡ, мәрхәмәтлек, изгелек, яҡшылыҡ кеүек сифаттарҙы һалыу, халҡыбыҙҙың йолаларына, ғөрөф-ғәҙәттәренә һөйөү тәрбиәләү, онотола барған шөғөл-кәсептәребеҙҙе тергеҙеү маҡсатында Арҡайым ҡасабаһында «Илһам» клубы матур итеп эшләп килә.
